講科技題目好難，因為你今日講的內容，明日便可能落後。上期剛剛問完免提電話是否可以聲控撥號，就有個朋友拎個免提給我示範聲擯呼名打出電話，雖然還未至可以聲控撥號，但相信亦指日可待矣。科技就是這樣，只要有市場，就會有人改良。試問有誰可預見昔日的「大水壺」手提，只在短短十年間縮到幾乎係袋都放得。由於免提，周街的人傾電話口嗡嗡，好似同自己講野咁!

聽講今年6月會有一批環保的士和小巴出場，當中仲有電動小巴。聽講架小巴除左唔會噴廢氣之外，坐24 個人都仲可以每小時行90公里。但係淨係個電池就5、6百磅重，每次充電只能大約行一百公里(連冷氣)，差唔多每行1個鐘頭，就要換一次電，而且每次充電仲要成4個鐘頭。如果唔係特區政府提供優惠，免佢交4萬元首次登記稅和減收成萬元每年的續牌費，電動公共車輛都幾難有人試辦。不過，電池始終是最環保的車，我相信一定很多有心人會支持佢，亦希望政府俾多幾條賺錢的專線佢行，只要有市場，佢一定會有朝一日周街都係，取代哂噴到你一面氣的汽油車。佢的電池亦可能好快就會變到得返粒AAA咁細，隨身都可以袋定幾粒。(講科技一定要前衛點，唔係好快俾人話out)